| 今日看了八月號的 cosmo，
內裡有一篇 Anthony 寫的文章，表達了男性怎樣想身邊的女人!
一直都好喜歡看男人寫兩性的專欄，因為可以了解一下男想的究竟是什麼呀 。
如果我可以早一點，什至早幾年看到這篇東西，
唔....想必一些事情應該不會弄得像現在那麼糟糕吧...!
因為我現在真的明白了!!!
作為一個女人，應該要認真看看再想想一下...
以下我就打晒整篇文章出來分享一下 。
*******************************************************************
經常聽見身邊的女性朋友投訴︰
「佢都唔知當唔當我係女朋友架，咩事都收收埋埋，唔同我講...!」
「問多佢幾句，佢就嫌我煩，我都係關心佢之麻!」
係呀！真係好煩呀！
女人啊！請不要以為不斷的問問問，咁樣就是關心體貼，
我們明白女人的語言細胞比男人發達，當你們遇到煩惱與壓力，
二話不說就會找個信任的人，滔滔不絕的說一個通宵。
咩話 ?! 一個通宵都唔夠嗎? 唔係卦，知唔知朝早要返工架 ??
這是你們女人解決問題的方法，請你們明白，男人面對煩惱同壓力，
是不喜歡跟身邊的人傾訴的!
我們喜歡把事情收藏係心裡，靜靜的一個人想辦法去解決。
有需要的時候，我們會請教有關方面的專家，邊個? 不知道!
總之就肯定不是你們!
你們知道男人最怕的是什麼? 不是沒有能力解決問題，
而是被身邊的女人覺得自己沒有能力解決問題!
男人是死要面的生物!
又經常聽見身邊女性朋友投訴︰
「佢成日都唔陪我，一個星期見得佢兩三次咋!!」
「佢成日都唔打電話俾我，都唔重視我既!」
收到喇~陪喇陪喇~~打啦打喇~~
我們明白對女人黎講，傾電話是人生的第二生命，
但是對很多男人來說，每天定時定候給女朋友打電話「報到」
下?! 咩係「報到」?
看過警察行必簽到嗎? 你每天早上上班要打卡嗎? 咪就係咁樣囉!!
同樣，我們明白女人希望跟戀人每天如影隨影，100% 跟對方融為一體。
然而這種心情，對男人來說在睡房裡才能蘊釀，走出房門就是另一片天地!
每天要陪著女朋友，男人會視之而為「交人」!
下?! 咩係「交人」?! 咪好似你月尾要「交卡數」同「交電話費」咁囉!
面對煩惱同壓力的時候，女人喜歡戀人、朋友陪伴身邊，
但是男人，就喜歡自己躲在洞穴裡。
可悲的是女人並不理解呀!
她們認為戀人不快樂，自己要在他身邊，陪他一起不快樂。
每當男人想獨處的時候，女人就會覺得自己受到忽略，心裡受到傷害。
知道男人寧願一個人躲起來打機，也不願意陪她吃飯，她簡直就想殺人!
尤其是結了婚的女性朋友，對男人的需求更是不可饒恕。
什麼是體貼?
無時無刻如影隨影? 日日夜夜問這問那? 是這樣嗎?
阿媽咪就係咁囉! 你覺得煩唔煩? 點解不知不覺自己做左阿媽?
如果想真正關心男人，看見他們眉頭深鎖的時候，請關掉你的聲音!
可以的話，給他們一些獨處的時間!
是的，完全不需要理會我們，去做一些讓自己快樂的事吧，同朋友行街又好，食飯又好。
最重要的是，不要在這個時候發他脾氣，說一些什麼...
「你乜野都唔同我講」
「你都唔重視我」
已經夠煩架啦，仲要看你的面色，做場大龍鳳，簡直係雙重折磨。
男人需要自己的洞穴，需要自己的空間，但，
不代表他不在乎你。 |
| |
| 為左你, 我正式打我2009年ge第一篇日記 今日係屋企睇左游龍戲鳳, 唔錯呢, 舒淇 唔正 ge 廣東話都幾有趣 |
| |
| arm arm 睇到新聞講綜緩 d 野, 睇完真係火到黎 條友 換眼鏡, 睇牙之類, 竟然俾成 2 萬蚊佢, 社署係咪痴左線? 有個人話唔見左5千幾蚊, 社署又會俾返佢? 其實我年中都成日唔知d錢用左係邊, 所以我諗都係唔見左居多, 有邊個俾返我? damn it!!!! 既然係咁就唔該政府快d 批我d grant loan, 我呢d 係真正有需要 ge 人黎架!!  |
| |
